27‏/05‏/2008

يا مصري للشاعر سيد حجاب ( غناها الفنان علي الحجار )



يا مصري ليه دنياك لخابيط ..


و الغلب محيط ...


و العنكبوت عشش ع الحيط ..


و سرح ع الغيط ...


يا مصري قوم هش الوطاويط


كفاياك تبليط ...


صعبة الحياه و الحل بسيط ..


حبة تخطيط ...


فتحت باب استيرادك


و صرفت فوق ضعف ايرادك


حِلِي للخواجة استكرادك


سابك بتقرا في أورادك


و دة قشّطَك


و نزِل تشفيط ...


* * * * * *


و مهوّلاتي تحب تظيط


ساعة الفرح


زغاريط تنطيط


و في المياتم هات يا صويط


و في المظاهرة تسُخْن تشيط


و في الانتخاب تنسى التصويت


و ليه بترشي و تتساهل


و تبيع حقوقك بالساهل


تستاهل النار تستاهل


يا غويط


و يحسبك الجاهل


ذاهل و ساهي و غبي و عبيط ...


يا مصري ياللي الغلا عاصرك


و النهب في عصرك حاصرك


قوم للحياه و اسبق عصرك


ولا حاجة هترجّع مصرك


الا انْ تكون شغال و نشيط ...


يا مصري ليه دنياك لخابيط ..


و الغلب محيط ...


و العنكبوت عشش ع الحيط ..


و سرح ع الغيط ...


يا مصري قوم هش الوطاويط


كفاياك تبليط ...


صعبة الحياه و الحل بسيط ..


حبة تخطيط ...



و اخيرا حاولوا تفكّروا معايا مين هو العنكبوت اللي عشش عالحيط و كمان يا ترى مين هم الوطاويط ، ياريت اللي يعرف يبقى يقولي ...

- حماكِ الله يا مصر -

هناك 21 تعليقًا:

norahaty يقول...

السلام عليكم ورحمة الله وبركاته
اسير حبيبته
حررالله اسرانا جميعآ
الكلام مؤلم لكنه الحقيقة:اليس كذلك؟
انا سمعتها كأغنية لعلى الحجار على اليوتيوب
بس اول مرة اراها مكتوبة فى مدونة
وبالتالى يمكن الاحتفاظ بها فى الاوراق فهل تأذن لىّ.
وتقبل تحياتى

مصــــري..!! يقول...

الشاعر "عدنان"

الجميع يعرف الاجابة علي السؤال الاخير.

ولكنه قانون الطوارئ "الارهاب حديثاً"

أما بالنسبة للقصيدة فبالطبع رائعة.
فمن أكون لنقد شاعر كـ"سيد حجاب"

دمت رائعاً

تحياتي
أسامة

أسير حبيبتي يقول...

الصديقة norahaty

و عليكم السلام و رحمة الله و بركاته

هذا الكلام ما وضعته

الا لأنه يعبر عن واقعنا المؤلم و المرير

و فعلا غناها الفنان علي الحجار

و طبعا طبعا بدون استئذان يمكنك الاحتفاظ بها

و شكرا للمتابعة

و لكِ موفور التحية

عدنان

أسير حبيبتي يقول...

الصديق " أسامة " او مصري

اشكرك على المتابعة

و لكن كلمة شاعر دي كبيرة عليا جدا جدا ولا استحقها

و ان كنت اتمناها فعلا

شكرا للاهتمام

و اتمنى دوام المتابعة و التواصل

تقبل تحياتي

عدنان

monaliza يقول...

احييك جدا على امانة النشر واحييك ايضا على اختيار القصيدة
================
ممكن تشيل تاكيد الكلمة حين ارسال العليق

ساره البحر يقول...

عدنان حقيقي الكلمات جميله جدا
والسؤال الاخير هو ده المشكله كلنا نعرف اجابته وكلنا ساكتين
مرسي اوي بجد على زيارتك لمملكتي واشكرك اكتر على اضافت مدونتي عندك
تحياتي ليك

أسير حبيبتي يقول...

الاخت monaliza
شكرا لزيارتك الكريمة و اتمنى دوام التواصل
بالنسبة لحكاية تأكيد الكلمة دي
في كذا واحد قالي عليها
لكن و الله انا جديد في موضوع التدوين دة
و بصراحة جربت اشيلها بس معرفتش
و ان امكن ياريت تقولي لي كيفية ازالتها
شكرا مرة ثانية
خالص التحية
عدنان

أسير حبيبتي يقول...

الصديقة سارة البحر
نورتي المدونة بزيارتك
و ارجو انها ما تكون الاخيرة
و لا تشكريني اني اضفت عنوان مدونتك
انا اللي المفروض اشكرك
لأن انا المستفيد
تحياتي ليكي
عدنان

غير معرف يقول...

السلام عليكم

اسير حبيبتك

احب اقولك ان الوطاويط بتطلع فى الليل بس

لكن فى مصر بتبقى قدامنا فى عز الضهر

وبندقية خرطوش توقعهم كلهم

لو عاوز واحدة اجيبلك

لو انتى مش كاتب الكلام ده يبقى البارودى

صح ولا انا غلطان

تحياتى

ADAM يقول...

السلام عليكم

عظيم

بس اوعى تكون تقصد أسامة بيامصري

هههههههههههههههه


خد بالك يا عدنونتي

حماك ِ الله يا مصر


تحياتي للمبدع الشاب

عدنونتي



آدم

أسير حبيبتي يقول...

الصديق عرفة
و عليكم السلام
الوطاويط موجودة غصب عننا للأسف
و احنا مكتوفين الايدي
و لو كنا نقدر نهشهم
كنا عملنا كدة من زمان
دول مينفعش معاهم بنادق
المهم
كاتب هذه الكلمات الرائعة
هو شاعر العامية المبدع سيد حجاب
كما اشرت في عنوان البوست
لك كل التحية
عدنان

أسير حبيبتي يقول...

الصديق الغالي آدم
و عليكم السلام
طبعا اقصد اسامة و اقصد غيره
اقصد كل المصريين
و الحق انو مش انا اللي قصدت
اللي قصد هو كاتب هذه الكلمات
و شكرا للفت النظر لكلمة حماكِ
انا عدّلتها
ايوة كدة عايزينك دائما مصحصح معانا
تحياتي
عدنان

norahaty يقول...

السلام عليكم ورحمة الله وبركاته
اسير حبيبته
حرر الله اسرانا جميعآ
اسمح لى اقولك ازاى تشيل
التاكيد على الكلمة
عند اضافة التعليق:
1-اذهب الى الاعدادات=sitting
2-اذهب الى التعليقات=comments
3-شيل علامة الصح من خانة تاكيد الكلمة=verifay the word
سهلة الشغلانة؟؟

أسير حبيبتي يقول...

الصديقة norahaty
و عليكم السلام و رحمة الله و بركاته
انا عندي الكلام باللغة العربية
و بصراحة مش فاهم قصدك لكن انا جربت اشيل علامة صح من على حاجة
مش عارف هي دي ولا لا
ارجو منك التأكد
عدنان

norahaty يقول...

السلام عليكم ورحمة الله وبركاته
اسير حبيبته
حررالله اسرانا جميعآ
تم بحمد الله
وتحررت انت
من تأكيد الكلمة
مبروك لك ولنا

أسير حبيبتي يقول...

norahaty
و عليكم السلام و رحمة الله و بركاته
الحمد لله
و كله بفضل مجهودك و تعبك معانا
و حرر الله اسرانا جميعا
خالص الشكر و التحيه
عدنان

مصــــري..!! يقول...

الشاعر عدنان

أنا شعرت إن الخطاب موجه لي دوناً عن غيري.
فأنا لم أختر اسم مدونتي هباءً.

شوفت ياآدم أهو كان يقصدني.
وبالتأكيد يقصدك أنت كمان.

تحياتي لك.
أسامة.

ADAM يقول...

لا يا عم أسامة

متدخلنيش في الحزبة دي

أنا بره منها

أنا اسم مدونتي لكل الناس

بتحرر فيه من هويتي المصري

وبدخل في هويتي الإنسانية

الناسوتية

عشان أهرب من الحاجات اللي زي دي


هعهعهعهعهعهعهع


سلام يا جميييييييل منك له


تحياتي لكم جميعا


آدم

أسير حبيبتي يقول...

الصديقين العزيزين آدم و أسامة
اسعدني الحوار بينكم و التواصل عبر مدونتي
لكن فعلا المقصود بها هم كل المصريين
و يا عم آدم انك تكون انسان دي حاجة ممتازة
لكن هوية الانسان مهمة جدا
و انت هويتك مصري
يعني داخل في الحسبة غصب عنك
هههههههههههههه
و دمتم جميعا بخير
عدنان

yygt trdyth يقول...


ابراج اليوم الاثنين 10-2-2014
برنامج هوت سبوت شيلد
صور بنات السعودية ع الفيس بوك 2014صور اجمل بنات السعودية علي الثوبتر 2014 فساتين ميريام فارس برنامج فايبر مجانا 2014

العاب تلبيس بنات قمر العاب تلبيس بنات علي الشاطئ
صور احلى بنات الفيس بوك صور بنات محجبات 2014
صور اجمل البنات 2014 , صور بنات عربية حلوة 2014 , بنات مزز 2014 صور بنات الفيس بك صور بنات اخر دلع
صور بنات العرب اجمل صور لبنات العرب صور بنات جميلة من كل انحاء العالم 2014
احلي صور بنات العرب اجمل صور بنات العاب مزارع بنات ابراج اليوم الاحد 9-2-2014

لعبة المزرعة السعيدة ثلاثية الأبعاد لعبة المزرعة السعيدة الجديدة
لعبة المزرعة السعيدة صور اغلفه للبروفايل متنوعه
صور روعه للفيس اجمل صور للفيس بك اروووع اغلفه للفيس بوك
كلام حزين - صور حب حزينه صور حب حزينه صور بكاء والم القلب صور حزينا جدا تقطع القلب
اجمل صور بنات حزينة 2014 اروع صور بنات حزينة 2014 اجدد صور بنات حزينة 2014 صور حزن وفراق الاحبة
انت عمرى صور حب متحركة اجمل واحلي صور خب متحركة صور عشاق متحركة
صور حب ورومنسية جامدة جدا اجمل واحلا صور للاحبة صور حب للعشاق صور حب ورومنسية صور لااحبة

yygt trdyth يقول...


صور حب روعة صور حب للعشاق
صور حرف N , خلفيات حرف ان بالانجليزي رومانسية 2014 , تصميم حرف n 2015
صورحرف s 2014 , خلفيات حرف s للعشاق 2014 , تصاميم حرف s حب وغرام 2014
احلا واجمل صور اسماء بنات 2014 اجمل صور اسماء بنات 2014
اسماء ذكور اسلامية 2014, معاني اسماء مواليد اولاد اسلامية جديدة ومعانيها 2015
اجمل اسامي بنات 2014,اسامي بنات روعة 2014 اسامي بنات جديدة
لعبة حرب الملوك الاسطورية
لعبة ضوء القمر سوناتا ومهمة القضاء على الذئاب المتوحشة في الغابة المخيفة
لعبة الحرب العالمية للجنود المحاربين في أراضي المعارك الطاحنة
لعبة القتال المستمر والصراع الأسطوري مع نمور الإرهاب والقضاء عليهم بالأسلحة القوية
لعبة القضاء علي افراد العصبات المتشردين داخل القاعدة
لعبة حرب القاعدة النارية للكبار