30‏/07‏/2008

توريطة جديدة .. ربنا يستر


مررت إلي الأخت الصديقة نونو التاج الشهير الذي يتلخص في 6 أسرار عني لا يعرفها كل من قابلته لأول مرة .
أود أن أشكرها لتمريرها التاج ، و أرغب في أن أقول لها أيضا " ربنا يسامحك "
و اسمحوا لي بأن أجيب

- أعتز و أفتخر جدا بهويتي العربية أكثر من هويتي المصرية ، و طباعي و معتقداتي و عاداتي كلها شرقية خالصة .

- أعتز كثيرا بأصدقاء مدونتي ، و " أختصهم " بأهم أسراري ( محاولاتي في الكتابه ) ، و وددت لو أعطيت كل من اهتم و ترك كلمة عندي ألف وردة ، و شكرته ألف شكر .

- إنطوائي إلى حد كبير ، و مع ذلك لدي - و لله الحمد - أصدقاء كثر و أحبهم كثيرا ، و لكني أعشق الخيال أكثر من الواقع .

- كلما دخلت في علاقة عاطفية ، تكون نيتي فيها الإخلاص و إكمال الطريق لآخره ، ثم نكلل بالزواج ، و لكن عادة ما يكون الطرف الآخر لا يعجبه هذا الإخلاص ، أو يكون لديه رأي آخر ، و لكنهن في أغلب الأحيان لا يقدرنه .

- أكره السياسة جدا ، و أكره الساسه نفسهم أكثر - إلا ما رحم ربي - فأخبارهم بالأمس هي نفس أخبارهم اليوم ، بل و الغد ، و بما إني أميل للخيال قليلا ، فأنا أمقتها لأنني أراها منتهى الواقعية .

- حلم حياتي أن ترى كتاباتي النور ، و أن يقرأها كل الناس ، ولكن هذا -بالطبع- لن يتحقق قبل أن أتأكد ألف مرة من أنها تستحق أن تقرأ ، و أنها ترتقي لذوق القراء ، و أنها فعلا جديرة بالنشر .

بعض تلك الأسرار بالفعل لا يعرفها عني أحد غيركم ، فأنتم فعلا من أقرب الناس إلى نفسي .
دمتم جميعا بخير

و أكرر الشكر للصديقة نونو
أسأل الله أن أكون قد وُفـِّقت في إجاباتي
و أخيرا ، فأنا لن أقوم بتمرير التاج لأحد ، أعذروني .. فإني أظن أنه ما من أحد ما أجاب عليه
و لكني أرجو مِن كل مَن لم يُجِب عليه أن يأخذه ، و له جزيل الشكر .

هناك 29 تعليقًا:

amal يقول...

انت كتاباتك جميله على فكره
وانا باكدلك انها جديره بالنشر

ياريت تحاول تنشرها فى اى مجله او جريده
وربنا يحققلك حلمك

البوست جميل ربنا يوفقك

دعاء مواجهات يقول...

من اجمل التوريـــــــــــطات

اللى تخلينا نتعرف على شخص بنكن لية الود والاحترام

متخفش ع اسرارك مش حنقولها لحد

بس كان ليا تعليق ع حتة الخيال المفرط دى بجد كدة هتضر نفسك ومش هتعرف تعيش ف الحياة دى

حاول تخفف من الخيال شوية..

دمت بخير

أسير حبيبتي يقول...

amal

اهلا بيكي يا امل
شكرا لتشجيعك الجميل ليا
و شكرا لدعائك الأجمل
بس بصراحه انا طماع
و طموحي اعلى من كدة شويه
انا نفسي انشرهم في كتاب (:

مش قلت لك طماع ؟؟!!

تحياتي
عدنان

أسير حبيبتي يقول...

دعاء مواجهات

اهلا و سهلا يا دعاء
بجد اسعدني تعليقك جدا
و اشكرك للنصيحه الغاليه
و اوعدك اني لو قدرت انفذها هنفذها
لأنك عندك حق و الله
و انا كمان شايف كدة
بس المشكله دايما بتبقى في التنفيذ

بجد نورتيني

تحياتي
عدنان

فارس بلا جواد يقول...

السلام عليكم
ازيك
الحقيقه
انا معجب جدا
بمدونتك
وبحب اتصفحها كتير جدا
اسلوبك رائع
وخلفايتك الشعريه حلوه قوى
ومن كلماتك تبين انك شخص خيالى يعيش على ارض الواقع
بس خيال جميل وطيب

دمت بالف خير
تحياتى

ســـهــــر يقول...

ما شاء الله اجاباتك جديرة بالاحترام

واتمنى من كل قلبى ان ترى كتاباتك النور

وربنا يوفقك يارب ويكتبلك اللى فية الخير

دمت بخير

سنووايت يقول...

كلما دخلت في علاقة عاطفية ، تكون نيتي فيها الإخلاص و إكمال الطريق لآخره ، ثم نكلل بالزواج ، و لكن عادة ما يكون الطرف الآخر لا يعجبه هذا الإخلاص ، أو يكون لديه رأي آخر ، و لكنهن في أغلب الأحيان لا يقدرنه .
------------
سر غير متوقع , فاجئني الحقيقة


بالنسبة لاشعارك فهي تستحق النشر بالتاكيد واتمني لك مزيد من النجاح والتجدد والتقدم فيها

زى الهوا يقول...

فعلا ما اظنش فى حد ما جاوبوش , اجابات حضرتك حلوة و بس انا التاج دا كان واصلنى 16 صفة , فى خممممممممممممم هنا هههههههههههههههه

كاميليا يقول...

انا جيت جرى
قولت ايه التوريطة دى؟

بجد كنت ذكى جدا فى اجاباتك

ان شاء الله كتاباتك يقرأها الجميع

لانها بالفعل تستحق

فانت شاعر موهوب

وقلمك شديد الابداع

تحياتى

مصــــري..!! يقول...

الشاعر"عدنـــان"

كلما عرفتك أكثر كلما رأيت فيك الشخص النبيل.
أعذر تقصيري.

تحياتي
أسامة

كوارث يقول...

جامد الحوار ده والله
ما شاء الله
ربنا يوفقك والناس كلها تقرالك في يوم من الايام
وبالنسبة لبقيت الاسرار
لا بأس

نونو يقول...

يعنى علشان انا فى المعتتقل وغلبانة
كل الناس تلطش فية كدة
انا بحب مدونتك وادييتك التااااج
يا غلبانة يا نونو
بس اجاباتك حلوة وربنا معاك ويحققلك كل اللى فى نفسك
عايزين قصييدة من اللى بتفرسنا بيهم بقى قريب

المحارب المتيم يقول...

اكيد دى مش توريطة

بس انتى متكلمتش كتير عن نفسك وان كنت اتكلمت عن احلامك

اكيد احلامك مشروعة وتستحق العمل من اجلها

دمت بود يا صديقى

شهرزاد يقول...

أسير حبيبتي

لقد أجدت الإجابة بالفعل
أحييك جدا
وشخصيتك جديرة بكل الاحترام
وأظن انك من الأشخاص النادر وجودهم في هذه الدنيا فالإخلاص والرومانسية صفات نادرة في هذا الزمن

لك مني كل تقدير واحترام

وتقبل تحياتي

rara يقول...

مساء الخير
صفاتك جميلة اوى اوى اوى
وربنا يوفقك وتحقق كل أمانيك

موناليزا يقول...

نسيت اهم سر وهو انك متميز بجد فى الكتابة وتحرص دائما على اللغة العربية الفصحى
واذا كان على حلمك فى نشر اعمالك فى كتاب فيكفى انك تريد هذا يعنى اكيد باذن الله هتحققه
تمنياتى لك بالتوفيق

أسير حبيبتي يقول...

فارس بلا جواد

و عليكم السلام و رحمة الله و بركاته
اشكرك لكلامك الجميل و دة شئ يشرفني جدا
اعذر تقصيري .. انا فعلا كنت مشغول الأيام اللي فاتت

نورتني

عدنان

أسير حبيبتي يقول...

سهر

اهلا بيكي نورتيني
شكرا ليكي على كلامك الجميل
بجد حسيت انه من قلبك اوي

شكرا ليكي مرة ثانيه
و ياريت تكرري الزيارة

تحياتي
عدنان

أسير حبيبتي يقول...

سنووايت

و الله يا سنو هو دة اللي بيحصل دايما للأسف
بس انا مقتنع ان كل شئ نصيب

شكرا ليكي و لتشجيعك الجميل ليا

تحياتي
عدنان

أسير حبيبتي يقول...

زي الهوا

اهلا و سهلا بجد نورتيني
و مفيش خم ولا حاجة
دة تاج ثاني غيره
انا فعلا اتدبست قبل كدة
في التاج بتاع الـ 16 صفه ده
و الحمد لله ربنا سترها عالآخر

نورتيني

تحياتي
عدنان

أسير حبيبتي يقول...

كاميليا

ليه تيجي جري و تتعبي نفسك بس ؟؟
كفايه اوي انك فكرتي تيجي اصلا

شكرا لتشجيعك الجميل ليا

تحياتي
عدنان

أسير حبيبتي يقول...

مصري

شكرا ليك يا أسامه باشا
و بصراحه انا كمان كلما عرفتك أكثر
كلما تأكدت انك مواطن مصري حتى النخاع
و بصراحه انا معجب بانتمائك اوي

و مفيش تقصير ولا حاجة

تحياتي
عدنان

أسير حبيبتي يقول...

كوارث

اهلا و سهلا بيك
اسعدني جدا دعائك
اللهم تقبل منك
و ربنا يوفق الجميع يارب

نورتني

تحياتي
عدنان

أسير حبيبتي يقول...

نونو

" يا غلبانه يا نونو "
هههههههههههههه

ربنا يفك سجنك يارب
مفيش حد يقدر يلطش فيكي طبعا
انا عارف انك بتعرفي تاخدي حقك كويس

و الحمد لله ان اجاباتي عجبتك

انا بشكرك مرتين
اولا لتعليقك و دعائك الجميل
ثانيا عشان مررتي الواجب دة
( وش متغاااااااظ جدا )

و تقولي انا اللي بفرسك برضو ؟

بجد نورتيني

تحياتي
عدنان

أسير حبيبتي يقول...

المحارب المتيم

ايه يا عم عرفه ، عايز تورطني ثاني ولا ايه ؟
انا ما صدقت خرجت من التوريطة دي الحمد لله

شكرا ليك
و ربنا يوفق الجميع
و كل الناس تحقق احلامها

تحياتي
عدنان

أسير حبيبتي يقول...

شهرزاد

حمدا لله على سلامتك
نورتي موقع البلوج كله
في انتظار جديدك

الحمد لله ان الإجابه نالت استحسانك
انا فعلا كنت خايف من البوست دة اوي

شكرا لكلامك الجميل
و اعتقد ان لسه في رومانسيين كثير
و اكبر دليل انتي مثلا

تحياتي
عدنان

أسير حبيبتي يقول...

rara

مساء الورد
شكرا ليكي يا رارا على الكلام الرقيق
يارب اكون دايما عند حسن ظنك

و شكرا لدعائك و لكِ بالمثل إن شاء الله

تحياتي
عدنان

أسير حبيبتي يقول...

موناليزا

اهلا و سهلا بيكي
انا مش عارف اقولك ايه
على الكلام الجميل دة
شكرا ليكي جدا

و ربنا يوفق الجميع
و كل الناس تحقق احلامها

تحياتي
عدنان

yygt trdyth يقول...


ابراج اليوم الاثنين 10-2-2014
برنامج هوت سبوت شيلد
صور بنات السعودية ع الفيس بوك 2014صور اجمل بنات السعودية علي الثوبتر 2014 فساتين ميريام فارس برنامج فايبر مجانا 2014

العاب تلبيس بنات قمر العاب تلبيس بنات علي الشاطئ
صور احلى بنات الفيس بوك صور بنات محجبات 2014
صور اجمل البنات 2014 , صور بنات عربية حلوة 2014 , بنات مزز 2014 صور بنات الفيس بك صور بنات اخر دلع
صور بنات العرب اجمل صور لبنات العرب صور بنات جميلة من كل انحاء العالم 2014
احلي صور بنات العرب اجمل صور بنات العاب مزارع بنات ابراج اليوم الاحد 9-2-2014

لعبة المزرعة السعيدة ثلاثية الأبعاد لعبة المزرعة السعيدة الجديدة
لعبة المزرعة السعيدة صور اغلفه للبروفايل متنوعه
صور روعه للفيس اجمل صور للفيس بك اروووع اغلفه للفيس بوك
كلام حزين - صور حب حزينه صور حب حزينه صور بكاء والم القلب صور حزينا جدا تقطع القلب
اجمل صور بنات حزينة 2014 اروع صور بنات حزينة 2014 اجدد صور بنات حزينة 2014 صور حزن وفراق الاحبة
انت عمرى صور حب متحركة اجمل واحلي صور خب متحركة صور عشاق متحركة
صور حب ورومنسية جامدة جدا اجمل واحلا صور للاحبة صور حب للعشاق صور حب ورومنسية صور لااحبة